11 сентябрь куни ижтимоий тармоқлар орқали Фарғона шаҳрида «Сор қуши сотилади» номли эълон тарқалганди. Фарғона вилояти Экология бошқармаси ҳолатга муносабат билдирди.
Мазкур мурожаатга кўра, Экоинспекция ходимлари томонидан эълонда кўрсатилган телефон рақами орқали боғланиб, ўрганиш ишлари олиб борилган ва қушни сотмоқчи бўлган фуқаронинг манзили аниқланган.
Ўрганишлар давомида фуқаро А.К. жорий йилнинг август ойида Фарғона туманидаги Водил қишлоғидан уйига қайтаётган вақтида Ўзбекистон Республикаси Қизил китобига сор қушини чап қаноти шикастланган ҳолда топиб олиб, уйига олиб келгани аниқланган. У қушни шу кунга қадар ветеринария кўригидан ўтказиб, парваришлаб келган.
Фуқаро сор қушини сотувга қўйганидан пушаймонлигини билдириб, ўз ихтиёри билан вилоят Экология бошқармаси ходимларига топширган.
Сор қуши парваришга муҳтожлиги сабабли ветеринария кўригидан ўтказилган ва тегишли далолатномага асосан Фарғона шаҳрида жойлашган ҳайвонот боғига топширилган.
Изоҳ (0)