Formula 1 bo‘yicha 2022-yilgi mavsumning hisob bo‘yicha 16-Gran-prisi Italiyada bo‘lib o‘tdi.
Unda Red Bull poygachisi Maks Ferstappen ketma-ket beshinchi marta g‘oliblikni qo‘lga kiritdi. Ferrari vakili Sharl Lekler ikkinchi o‘rinni qo‘lga kiritgan bo‘lsa, Mercedes poygachisi Jorj Rassell kuchli uchlikka yakun yasadi.
Ortda qolgan 16 poyganing 11 tasida g‘alaba qozongan niderlandiyalik sportchi 335 ochko bilan umumiy ro‘yxatda yetakchilik qilmoqda. Sharl Lekler (219) ikkinchi o‘ringa ko‘tarilib olgan bo‘lsa, Serxio Peres (210) 3-pog‘onaga tushdi.
Italiyadagi muvaffaqiyat evaziga Maks ikkinchi o‘rindagi 116 ochko ortda qoldirmoqda. Ferstappen 2-oktabr kuni bo‘lib o‘tadigan Singapur Gran-prisidayoq mavsum g‘olibligini naqd qilishi mumkin. Bunda niderlandiyalik sportchi g‘olib bo‘lishi va shu bilan birga Lekler to‘qqizinchi, Serxio Peres esa 5-o‘rindan pastda bo‘lishi kerak.
2022-yilgi mavsumning ortda qolgan Gran-prilarida g‘olib bo‘lganlar bilan tanishing:
- Sharl Lekler (Bahrayn Gran-prisi)
- Maks Ferstappen (Saudiya Arabistoni)
- Sharl Lekler (Avstraliya)
- Maks Ferstappen (Emili-Romanyi, Italiya)
- Maks Ferstappen (Mayami, AQSh)
- Maks Ferstappen (Ispaniya)
- Serxio Peres (Monako)
- Maks Ferstappen (Ozarbayjon)
- Maks Ferstappen (Kanada)
- Karlos Sayns (Buyuk Britaniya)
- Sharl Lekler (Avstriya)
- Maks Ferstappen (Fransiya)
- Maks Ferstappen (Vengriya)
- Maks Ferstappen (Belgiya)
- Maks Ferstappen (Niderlandiya)
- Maks Ferstappen (Italiya)
Izoh (0)