Формула 1 бўйича 2022 йилги мавсумнинг ҳисоб бўйича 16-Гран-приси Италияда бўлиб ўтди.
Унда Red Bull пойгачиси Макс Ферстаппен кетма-кет бешинчи марта ғолибликни қўлга киритди. Ferrari вакили Шарл Леклер иккинчи ўринни қўлга киритган бўлса, Mercedes пойгачиси Жорж Расселл кучли учликка якун ясади.
Ортда қолган 16 пойганинг 11 тасида ғалаба қозонган нидерландиялик спортчи 335 очко билан умумий рўйхатда етакчилик қилмоқда. Шарл Леклер (219) иккинчи ўринга кўтарилиб олган бўлса, Серхио Перес (210) 3-поғонага тушди.
Италиядаги муваффақият эвазига Макс иккинчи ўриндаги 116 очко ортда қолдирмоқда. Ферстаппен 2 октябрь куни бўлиб ўтадиган Сингапур Гран-присидаёқ мавсум ғолиблигини нақд қилиши мумкин. Бунда нидерландиялик спортчи ғолиб бўлиши ва шу билан бирга Леклер тўққизинчи, Серхио Перес эса 5-ўриндан пастда бўлиши керак.
2022 йилги мавсумнинг ортда қолган Гран-приларида ғолиб бўлганлар билан танишинг:
- Шарл Леклер (Баҳрайн Гран-приси)
- Макс Ферстаппен (Саудия Арабистони)
- Шарл Леклер (Австралия)
- Макс Ферстаппен (Эмили-Романйи, Италия)
- Макс Ферстаппен (Майами, АҚШ)
- Макс Ферстаппен (Испания)
- Серхио Перес (Монако)
- Макс Ферстаппен (Озарбайжон)
- Макс Ферстаппен (Канада)
- Карлос Сайнс (Буюк Британия)
- Шарл Леклер (Австрия)
- Макс Ферстаппен (Франция)
- Макс Ферстаппен (Венгрия)
- Макс Ферстаппен (Бельгия)
- Макс Ферстаппен (Нидерландия)
- Макс Ферстаппен (Италия)
Изоҳ (0)