АШҚнинг Лас-Вегас шаҳрида Тошкент вақти билан 11 сентябрь тонгида UFC’нинг навбатдаги рақамли мусобақаси бўлиб ўтди.
UFC 279 кечасининг иккинчи асосий жанги Ҳамзат Чимаев (12-0) ва Кевин Ҳолланд (23-8) ўртасида ўтди.
Биринчи раунднинг илк сонияларидаёқ Чимаев рақибини партерга олди. Раунд ўрталарига бориб Ҳамзат Ҳолландни оғритиш усули билан таслим этди.
Шу тариқа швециялик яккакурашчи профессионал MMA’даги ғалабалари сонини 12 та етказди.
Қайд этиш керак, аввалига UFC 279 нинг асосий жанги Диас ва Чимаев ўртасида кечиши белгиланган эди. Бироқ Ҳамзат вазн меъёрини бажара олмади ва унинг Диасга қарши жанги бекор қилинди. Нейт ушбу мусобақанинг асосий жангида Тони Фергюсонга қарши октагонга чиқади.
Изоҳ (0)