«Барселона» ҳужумчиси Роберт Левандовски Чемпионлар Лигаси 1-тури доирасида «Виктория Плзен»га қарши баҳсда (5:1) учта голга муаллифлик қилди.
Бу польшалик футболчи учун ЕЧЛдаги 6-ҳет-трик бўлди. Роберт бу борада фақат Криштиану Роналду ва Лионель Мессидан (8 тадан ҳет-трик) ортда қолмоқда.
Левандовски Чемпионлар Лигасида учта клуб сафида ҳет-трик қайд этган мусобақа тарихидаги илк футболчи бўлди. Аввалроқ у «Боруссия Д» ва «Бавария»да ҳам ушбу натижага эришганди.
Криштиану Роналду, Филиппо Инзаги ва Неймар ЕЧЛда иккита клуб таркибида ҳет-трик муаллифига айланган.
2022 йилнинг ёзида «Барселона» сафига қўшилган Левандовски шу вақтга қадар 5 та расмий ўйин ўтказиб, 8 та гол урди.
Изоҳ (0)