Болгарияда сув тошқинлари туфайли жиддий моддий зарар эълон қилинди. Мамлакатнинг Пловдив вилоятидаги Каравелово, Богдан, Слатина ва Трилистник аҳоли пунктларида 300 дан ортиқ оила бошпанасиз қолди. Бу ҳақда «ТАСС» хабар бермоқда.
Пловдив вилоятидаги дарёлар қирғоқларидан тошиб кетган. Бир қанча кўприклар ва тўғонларга шикаст етган. Аҳоли пунктлари ва қишлоқ хўжалиги ерларини сув босган. Электр ва сув таъминоти узилган. Пловдив шаҳрига яқин жойда транспорт ҳаракати ҳам қисман чекланган.
Жабрланганларга ёрдам бериш учун юзлаб кўнгиллилар келиб, уйларни дарё чўкиндиларидан тозалашга ёрдам берган. Шунингдек, ҳозирда вайроналарни тозалашда оғир техникалар ишламоқда.
Энг муҳими шундаки, бундай кучли сув тошқинида қурбонлар йўқ. Аммо моддий зарар жиддий бўлди. Ҳозир жабрланган ҳудудларга зарур бўлган ҳамма нарса, жумладан, ичимлик суви ва озиқ-овқат етказиб берилмоқда. Қутқарувчилар ўз ишларини давом эттирмоқда. Махсус комиссия эса етказилган зарарни ҳисоблашни бошлаган. Мен барча муҳтожларга ёрдам максимал даражада кўрсатилишини кутаман.Ёнғин хавфсизлиги ва аҳолини муҳофаза қилиш бош бошқармаси директори Николай Николов вазиятни шарҳлар экан, зарар кўрган ҳудудларда вазият аста-секин нормаллашаётганини, бироқ баъзи жойларда сув даражаси юқорилигича қолаётганини айтди.Румен Радев Болгария президенти
Метеорологларнинг маълумотларига кўра, ёғингарчилик миқдори уч-тўрт ойлик меъёрдан ошган. Мамлакатнинг қатор ҳудудларида фавқулодда ҳолат сақланиб қолган.
Изоҳ (0)