Ijtimoiy tarmoqlarda Samarqand viloyatining Nurobod tumanidagi maktablardan birining o‘qituvchisi o‘quvchilarga kitob tarqatish uchun ularni otayotgani tasvirlangan video tarqalgandi. Nurobod tumani hokimligi axborot xizmatining ma’lumot berishicha, kitoblarni otgan o‘qituvchi ishdan olingan.
Ta’kidlanishicha, Nurobod tumani xalq ta’limi bo‘limi tomonidan tuzilgan ishchi guruh o‘rganishlariga ko‘ra, tumandagi 1-sonli umumiy o‘rta ta’lim maktabining 4-sinf rahbari Shohida G‘afforova maktab darsliklari va mashq daftarlarini o‘quvchilariga qo‘pol tarzda, o‘qituvchi etikasi va odob-axloq qoidalariga zid ravishda, sinfdan tashqari holatda tarqatganligi ma’lum bo‘lgan.
O‘qituvchiga xos bo‘lmagan harakati sababli umumiy o‘rta ta’lim maktabining 4-“D” sinf rahbari Shohida G‘afforova bilan tuzilgan mehnat shartnomasi bekor qilingan.
Shuningdek, maktab darsliklari va mashq daftarlari tarqatilishini nazoratga olmagani va mas’uliyatsizlikka yo‘l qo‘ygani sabab maktab direktori E.Hamrayev ham egallab turgan lavozimidan ozod qilingan.
Izoh (1)
Болаларимизни савиясиз, колок одамларни кулига тарбиялангани топширишга куркасан киши. Укув даргохларимизда халигача шундай одамлар узларига жой топиб юрган экан, болаларимиз оддий эстетика коидаларини билмайдиган инсонлар кулида тарбияланар экан, ренессансу буюк келажакка йул булсин. Шахсан мен, шу тарбиячини ва мактаб директорини, умрининг охиригача, хозирда олиб борган фаолиятига кайта куйилмаслигини талаб киламан.