Ижтимоий тармоқларда Самарқанд вилоятининг Нуробод туманидаги мактаблардан бирининг ўқитувчиси ўқувчиларга китоб тарқатиш учун уларни отаётгани тасвирланган видео тарқалганди. Нуробод тумани ҳокимлиги ахборот хизматининг маълумот беришича, китобларни отган ўқитувчи ишдан олинган.
Таъкидланишича, Нуробод тумани халқ таълими бўлими томонидан тузилган ишчи гуруҳ ўрганишларига кўра, тумандаги 1-сонли умумий ўрта таълим мактабининг 4-синф раҳбари Шоҳида Ғаффорова мактаб дарсликлари ва машқ дафтарларини ўқувчиларига қўпол тарзда, ўқитувчи этикаси ва одоб-ахлоқ қоидаларига зид равишда, синфдан ташқари ҳолатда тарқатганлиги маълум бўлган.
Ўқитувчига хос бўлмаган ҳаракати сабабли умумий ўрта таълим мактабининг 4-«Д» синф раҳбари Шоҳида Ғаффорова билан тузилган меҳнат шартномаси бекор қилинган.
Шунингдек, мактаб дарсликлари ва машқ дафтарлари тарқатилишини назоратга олмагани ва масъулиятсизликка йўл қўйгани сабаб мактаб директори Э.Ҳамраев ҳам эгаллаб турган лавозимидан озод қилинган.
Изоҳ (1)
Болаларимизни савиясиз, колок одамларни кулига тарбиялангани топширишга куркасан киши. Укув даргохларимизда халигача шундай одамлар узларига жой топиб юрган экан, болаларимиз оддий эстетика коидаларини билмайдиган инсонлар кулида тарбияланар экан, ренессансу буюк келажакка йул булсин. Шахсан мен, шу тарбиячини ва мактаб директорини, умрининг охиригача, хозирда олиб борган фаолиятига кайта куйилмаслигини талаб киламан.