“Donbassdagi ko‘ngillilar professional askarlardan ko‘ra yaxshiroq jang qilmoqda” — Putin

Ukrainadagi harbiy amaliyotda ishtirok etayotgan Donbass aholisi professional askarlarga qaraganda yaxshiroq jang qilmoqda, dedi Rossiya prezidenti Vladimir Putin Kamchatkadagi ekologik forumda. Bu haqda “Kommersant” xabar bermoqda.

Putinning so‘zlariga ko‘ra, u tadbirga Mudofaa vazirligi rahbariyatining Ukrainadagi vaziyat bo‘yicha navbatdagi hisobotidan so‘ng kelgan.

Men bu odamlar (Donbass aholisi)ning  jasoratidan hayratdaman. Shu jumladan, o‘z vatanlari uchun oldingi saflarda kurashayotganlar, sizni ishontirib aytamanki, men nima haqida gapirayotganimni bilaman. Bular professional askarlar emas, mahalliy aholidan ikkita korpus tuzilgan. Biroq professional askarlardan-da yaxshiroq jang qilishmoqda. Shu bilan birgalikda, ular juda dadil, jasur va samarali kurashmoqda, — degan Rossiya prezidenti.