Украинадаги ҳарбий амалиётда иштирок этаётган Донбасс аҳолиси профессионал аскарларга қараганда яхшироқ жанг қилмоқда, деди Россия президенти Владимир Путин Камчаткадаги экологик форумда. Бу ҳақда «Коммерсантъ» хабар бермоқда.
Путиннинг сўзларига кўра, у тадбирга Мудофаа вазирлиги раҳбариятининг Украинадаги вазият бўйича навбатдаги ҳисоботидан сўнг келган.
Мен бу одамлар (Донбасс аҳолиси)нинг жасоратидан ҳайратдаман. Шу жумладан, ўз ватанлари учун олдинги сафларда курашаётганлар, сизни ишонтириб айтаманки, мен нима ҳақида гапираётганимни биламан. Булар профессионал аскарлар эмас, маҳаллий аҳолидан иккита корпус тузилган. Бироқ профессионал аскарлардан-да яхшироқ жанг қилишмоқда. Шу билан биргаликда, улар жуда дадил, жасур ва самарали курашмоқда, — деган Россия президенти.Мавзуга доир: Путин мамлакатидаги алкоголизмга қарши курашда тақиқларни фойдасиз деб атади
Изоҳ (0)