Toshkentning ikki tumanidagi ayrim joylar elektrsiz qoldi — hududlar ro‘yxati

Toshkent shahri Yashnobod va Mirobod tumanlarining ayrim hududlarida elektr ta’minotida uzilish kuzatilmoqda. Bu haqda Energetika vazirligi matbuot xizmati xabar berdi.

Qayd etilishicha, soat 21:10 da Yashnobod va Mirobod tumanlarining ayrim hududlarini elektr energiyasi bilan ta’minlovchi yuqori kuchlanishli 110 kV tarmog‘ida nosozlik yuzaga kelgan. Buning oqibatida Yashnobod tumanining Aviasozlar, “G‘alabaning 40 yilligi” massivlari, Muxtor Ashrafiy ko‘chalari va Mirobod tumanining Fitrat, Yangi Zamon, Inoqobod, Fayzobod, Eski Otchopar, Oqbilol ko‘chalarida elektr ta’minotida uzilish kuzatilmoqda.

Hozirda Energetika vazirligi, Toshkent shahri elektr tarmoqlari korxonasi mutaxassislari tomonidan nosozlikni bartaraf etish ishlari olib borilmoqda. Ta’mirlash ishlari qisqa fursatda (1,5 soatda) yakunlanadi va elektr ta’minoti qayta tiklanadi. Holat yuzasidan qo‘shimcha ma’lumot beriladi.

Keltirilgan noqulayliklar uchun iste’molchilardan uzr so‘raymiz, — deyiladi xabarda.

Mavzuga doir:

• Toshkentdagi mahalla bayram kunida bir yarim soat elektrsiz qoldi
• Toshkentning Yashnobod tumanidagi podstansiyada nosozlik yuz berdi (video)