Ijtimoiy tarmoqlarda Andijon viloyati Paxtaobod tumanida fuqaroning Ichki ishlar organi xodimlari noqonuniy tarzda ushlab turilgani yuzasidan qilingan murojaat e’lon qilindi. Viloyat Ichki ishlar boshqarmasi holatga munosabat bildirdi.
Qayd etilishicha, videomurojaatda qamoqqa olingani aytilgan X.A. (1986-yilda tug‘ilgan) tomonidan 2021-yilda 3 ta MCHJ tashkil etilgan. Ular ta’minotchi sifatida “Ayollar daftari” va “Yoshlar daftari” ro‘yxatlarida turuvchi 46 nafar fuqaro bilan chevarchilik, asalarichilik hamda boshqa yo‘nalishlarda mahsulot yetkazib berish to‘g‘risida shartnoma tuzgan. Bu orqali “Mikrokredit bank”, “Xalq banki” va “Agrobank” Paxtaobod filiallari tomonidan jami 1 milliard 242 million so‘m kredit mablag‘lari ushbu MCHJlarga o‘tkazilgan.
Biroq X.A. kelib tushgan pul mablag‘lari noqonuniy naqdlashtirib, kredit ta’minoti egalariga yetkazib bermasdan, ta’minot mahsulotlarini bozor narxidan 2—3 barobar qimmat narxlarda sotib olgani aniqlangan.
Shunga asosan 2021-yilning 31-avgust kuni Paxtaobod tumani IIB huzuridagi tergov guruhi tomonidan X.A.ga nisbatan Jinoyat kodeksining 168 (firibgarlik), 277 (bezorilik) va 140 (haqorat qilish) moddalari bilan tergovdan qochib yashiringani sababli sirtdan ayblov va qidiruv e’lon qilingan.
U joriy yilning fevral oyida Rossiya Federatsiyasi Ufa shahrida huquq-tartibot xodimlari tomonidan ushlangan va shu yilning 31-avgust kuni O‘zbekistonga olib kelingan.
Hozirda mazkur jinoyat ishi bo‘yicha Jinoyat protsessual kodeksining talablariga asosan tergov harakatlari olib borilmoqda.
Izoh (1)
Бу ёлғон маълумот