Ijtimoiy tarmoqlarda Cobalt va Lacetti avtomashinalarining to‘qnashuvi oqibatida yo‘l harakati qatnashchilari o‘rtasidagi mushtlashuv aks etgan video tarqaldi. Toshkent shahar Ichki ishlar boshqarmasi holatga munosabat bildirdi.
Qayd etilishicha, 1-sentabr kuni soat taxminan 15:45 da Cobalt avtomashinasi haydovchisi B.N. (34 yoshli) va Lacetti avtomashinasi haydovchisi Sh.U. (26 yoshli) Yashnobod tumani Aviasozlar va Qorasuv ko‘chalari kesishmasida mayda to‘qnashuv sodir etgan.
To‘qnashuv tufayli yo‘l harakati qatnashchilari o‘rtasidagi janjal mushtlashuvga aylanib ketgan. Oqibatda Cobalt avtomashinasining yo‘lovchisi B.N. (36 yoshli) tan-jarohatlari olib shifoxonaga murojaat qilgan.
Hozirda holat yuzasidan tergovga qadar tekshiruv o‘tkazilmoqda.
Izoh (0)