“Yangi O‘zbekiston” bog‘ida 1-sentabr kuni bayram mushakbozligi o‘tkaziladi

“Yangi O‘zbekiston” bog‘ida 1-sentabr kuni soat 21:00 da Mustaqillik kuni munosabati bilan bayram mushakbozligi o‘tkaziladi. Shu sababli ayrim ko‘chalar transport harakati uchun yopiladi.

Poytaxt IIBB matbuot xizmati xabariga ko‘ra, Yangi O‘zbekiston, Maxtumquli, Tabarruk va Cho‘lpon ko‘chalarida soat 19:00 dan 24:00 gacha bo‘lgan vaqt oralig‘ida avtotransport vositalari harakati cheklanadi.

Bayram munosabati bilan har yili 1-sentabr kuni kechki soatlarda mushakbozlik o‘tkaziladi. O‘zbekiston mustaqilligining 30 yilligiga bag‘ishlangan bayram mushakbozligi ham “Yangi O‘zbekiston” bog‘ida bo‘lib o‘tgandi. Biroq ushbu bog‘ga olib boruvchi yo‘lda transport harakati 3 kunga — 31-avgustdan 2-sentabrgacha cheklangani sababli uni yaqindan ko‘rishning imkoni bo‘lmagandi.

Mavzuga doir:

• Shavkat Mirziyoyevning O‘zbekiston mustaqilligining 31 yilligiga bag‘ishlangan tantanali marosimdagi nutqi
• Toshkentdagi “Yangi O‘zbekiston” bog‘ida bo‘lib o‘tgan Mustaqillik bayrami — suratlarda