Toshkentning Yashnobod tumanidagi mahkumlar uchun ixtisoslashgan kasalxona yaqinida noma’lum sumka tashlab ketilgani aniqlanib, zudlik bilan tekshiruv ishlari olib borildi, deb xabar bermoqda “Daryo” muxbiri.
1-sentabr kuni soat 12:00 larda IIV huzuridagi Jazoni ijro etish departamenti birinchi mintaqaviy hudud 23-son mahkumlar uchun ixtisoslashgan kasalxona devori tashqarisida noma’lum kimsa tomonidan sumka qoldirib ketilgani aniqlangan.
IIB xodimlari va boshqa mutaxassislar voqea joyiga yetib keldi va sumka qoldirib ketilgan hudud o‘rab olinib, tekshiruv ishlari olib borildi. Hududga tez yordam xizmati va yong‘in o‘chirish ekipajlari ham jalb etilgan.
Olib borilgan tezkor tekshiruvlar natijasida uning ichida kiyim-kechaklar borligi aniqlangan.
Izoh (0)