Vatikan Rossiyani “varvarlik” va “jirkanch” urushni boshlab yuborishda aybladi. Bungacha katolik cherkovi bunday keskin baholardan qochgan. Bu haqda “Agenstvonews” xabar bermoqda.
Rim papasi Fransiskning bayonotlarida, Rossiya tomonidan boshlangan Ukrainadagi keng ko‘lamli urush ma’naviy jihatdan adolatsizlik, qabul qilib bo‘lmaydigan vahshiylik, bema’nilik, jirkanch va shakkoklik sifatida qoralangan.
Biroq, urush boshlanganidan beri Fransisk bunday to‘g‘ridan to‘g‘ri baholardan qochib kelmoqda edi.
Seshanba (30-avgust) kuni Vatikan ham papaning Daria Dugina haqidagi so‘zlarini tushuntirib berdi va bu Kiyevning keskin tanqidiga uchradi. O‘tgan hafta papa marhum jurnalistni “urush ahmoqgarchiligi”ning “begunoh” qurboni deb atagan.
Muqaddas Taxtning bugungi bayonotiga ko‘ra, papaning so‘zlari siyosiy pozitsiya emas, balki inson hayoti va u bilan bog‘liq qadriyatlarni himoya qilish uchun ko‘tarilgan ovozdir.
Aprel oyida Rim papasi Putinning ismini aytmay uni qoralagan edi.
Izoh (0)