Qashqadaryo viloyatining chekka tumanlaridan biri Dehqonobodda O‘zbekiston mustaqilligining 31 yilligi keng nishonlandi. Bu haqda tadbirda ishtirok etgan “Daryo” muxbiri xabar berdi.
Tuman hokimligining ma’lumot berishicha, O‘zbekiston mustaqilligining 31 yilligi oldidan tumandagi ehtiyojmand oilalarning 52 nafar farzandiga xatna to‘yi o‘tkazib berilgan.
“Shuningdek, 10 nafar nogironligi bor kishilarga nogironlik aravasi, 10 nafar qulog‘i og‘ir bemorlarga eshitish apparati, 10 nafar keksa yoshli otaxon-onaxonga hassa va kam ta’minlanganlarga bayram sovg‘asi ulashildi”, — deydi tuman hokimi Zoir Aliqulov.
Qo‘shimcha qilinishicha, bayram oldi tumanda 11 ta obyekt qurilishi yakunlanib, foydalanishga topshirilgan.
“Mustaqillik bayrami arafasida tumandoshlar uchun yangi maktab, bog‘cha, yangi bozor qurilib foydalanishga topshirildi. Shuningdek, bayram oldi tadbirkorlar tomonidan ko‘plab obyektlar qurilib, aholi uchun xizmat ko‘rsatishni boshladi”, — deydi tuman hokimi o‘rinbosari Sherdil Ergashev.
Tadbirning bayram qismida xonanda Dilshod Rahmonov ishtirok etib, dehqonobodliklarga yaxshi kayfiyatiga ulashdi.
Izoh (0)