Toshkent shahrining Mirzo Ulug‘bek tumanida mamlakatimizning yetakchi telekommunikatsiya va IT kompaniyalari hamda tegishli respublika boshqarmalari faoliyat yurituvchi IT park zamonaviy klasteri ochildi.
IT park‘ning ilk rezidentlaridan biri VEON guruhi tarkibiga kiruvchi Beeline Uzbekistan raqamli operatori bo‘ldi. Ochilish marosimida VEON GROUP rahbarlari bosh vazir Abdulla Aripov bilan uchrashib, mintaqaviy IT Hub‘da O‘zbekistonda ta’limni rivojlantirish strategiyasini amalga oshirishda ishtirok etish rejalari haqida so‘z yuritdi.
IT park – bu puxta o‘ylangan infratuzilma va ko‘p qavatli ofis binolariga ega butun bir mahalladir. U yerda eng katta va chiroyli binolardan birini Beeline Uzbekistan xodimlari egallaydi. Klasterda bo‘lish boshqa rezidentlar va IT park‘ga ko‘chib o‘tishni rejalashtirayotgan davlat idoralari bilan o‘zaro munosabatlarni osonlashtiradi. Bu O‘zbekiston iqtisodiyotini raqamlashtirishga qaratilgan qo‘shma loyihalarni tezda yaratish va ishga tushirishga yordam beradi.
VEON GROUP bosh direktori Kaan Terzioglu mamlakat bosh vaziri bilan uchrashuvda ta’kidlaganidek, IT park‘da nafaqat Beeline raqamli operatori, balki guruhning xalqaro IT guruhlari ham ishlaydi. Buning natijalaridan biri O‘zbekistonda yangi ish o‘rinlari yaratilishi bo‘ladi. Shunday qilib, xoldingning birgina bo‘linmasi BeeLab hodimlari soni atigi olti oy ichida 15 nafardan 100 nafarga ko‘paydi. O‘zbekistonlik mutaxassislar o‘z vatanida ishga joylashish va muvaffaqiyatli faoliyat olib borish uchun yangi imkoniyatlarga ega bo‘lmoqda.
VEON GROUP ta’lim va yosh IT mutaxassislarni tayyorlashga faol sarmoya kiritadi. Rejalar orasida o‘zining Beeline akademiyasini ochish ham ko‘zda tutilgan. U yerda bozorda, jumladan, kiberxavfsizlik sohasidagi talabga mos ko‘nikmalarga ega bo‘lish imkoniyati yaratiladi.
VEON kompaniyasining asosiy maqsadi O‘zbekiston iqtisodiyotining barcha sohalarini raqamlashtirishda faol ishtirok etishdan iborat. Shu bois, infratuzilmani rivojlantirish, mamlakat aholisini yuqori sifatli raqamli xizmatlar bilan ta’minlash eng muhim vazifadir. Yangi loyihalar qatorida Toshkent–Samarqand yo‘nalishidagi “Afrosiyob” poyezdlarida yuqori tezlikdagi mobil internetni yo‘lga qo‘yish ham bor. Ushbu loyiha O‘zbekiston Axborot texnologiyalari vazirligi bilan hamkorlikda amalga oshirilmoqda.
O‘zbekiston hukumatining qarorlari, sohani qo‘llab-quvvatlash chora-tadbirlari bizni ruhlantirdi. Aloqa operatorlari bosh vazir bilan o‘z muammolari haqida shaxsan gaplashish, ularni tezkorlik bilan hal qilish yo‘llarini birgalikda izlash imkoniga ega. Bunday siyosat yangi istiqbollarni ochadi, mamlakat iqtisodiyotiga sarmoya kiritishni ko‘paytirish imkonini beradi. Biz sizning ulug‘vor va erishish mumkin bo‘lgan maqsadlaringizning ajralmas qismi ekanligimizga qat’iy ishonamiz.Uchrashuvda VEON kompaniyalar guruhi bosh maslahatchisi, Serbiya Respublikasining sobiq prezidenti Boris Tadich ham ishtirok etdi. O‘zbekistondagi ijobiy o‘zgarishlar mamlakat tajribasini jahon miqyosida o‘rganishga loyiq ekanini ta’kidladi. Bu Xitoy, Ozarbayjon, Qozog‘iston va Bolqon mintaqasida Boris Tadich a’zo bo‘lgan yirik tahlil markazlari tomonidan amalga oshiriladi.Kaan Terzioglu, VEON GROUP bosh direktori.
Unitel MCHJ bosh maslahatchisi va direktorlar kengashi a’zosi Boris Tadich O‘zbekiston bosh vaziriga sohaga qaratilayotgan e’tibor haqida gapirdi.
“Hech bir mamlakatda IT sohasiga bunday e’tiborni uchratmaganman. Ishonchim komilki, O‘zbekiston barcha rejalarni amalga oshiradi va Markaziy Osiyoning asosiy IT Hub’iga aylanadi. O‘z navbatida, VEON har qanday ekspert yordamini ko‘rsatishga tayyor, xususan, potensial xalqaro investorlar yoki respublikani JSTga qabul qilish to‘g‘risida qaror qabul qiladigan tashkilotlar bilan muzokaralarda. VEON barcha maqsad va ko‘rsatkichlarga erishishda O‘zbekistonning eng yaxshi yordamchisiga, shuningdek, IT sohasida mamlakatning brend ambassadoriga aylanishi mumkin”, — dedi u.
Unitel MCHJ 2006-yilning 12-sentyabrdan boshlab Beeline Uzbekistan savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam (Niderlandiya) shahrida joylashgan VEON xalqaro telekommunikatsiya xoldingi tarkibiga kiradi.
VEON 8 mamlakatda 220 milliondan ortiq obunachiga ega global telekommunikatsiya va internet xizmatlari provayderidir. Uning aksiyalari NASDAQ va Euronext Amsterdam fond bozorlarida joylashgan.
Beeline Uzbekistan‘da 1 ming 600 nafarga yaqin xodim ishlaydi. VEON 2006-yilda O‘zbekiston bozoriga kirishi bilan mamlakat telekommunikatsiya sohasiga 1 milliard 200 million AQSH dollaridan ortiq sarmoya kiritgan. Beeline SB‘ning O‘zbekistondagi faoliyati davomida 1 milliard 800 million dollardan ortiq soliq to‘langan.
Sayt: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan
Reklama huquqi asosida.
Izoh (0)