Bugun, 30-avgust kuni Ko‘ksaroyda Mustaqillikning 31 yilligi munosabati bilan mukofotlangan o‘zbekistonliklarni taqdirlash marosimi bo‘lib o‘tdi. Unda prezident Shavkat Mirziyoyev ishtirok etib, taqdirlangan o‘zbekistonliklarga o‘z mukofotlarini topshirdi.
Marosimda ishtirok etgan 44-Butunjahon shaxmat olimpiadasi g‘olibi, “O‘zbekiston iftixori” faxriy unvoni sohibi Jahongir Vohidov “Daryo” muxbiri bilan suhbatda prezidentning qo‘lidan mukofotni qabul qilib olishi, kelgusidagi rejalari va yoshlarga maslahatlari bilan o‘rtoqlashdi.
Prezidentimizning qo‘llaridan mukofotni qabul qilib oldik, hayajonimiz juda yuqori darajada edi. Biz ularning tabriklarini eshitib juda katta his-hayajonni his qildik. Endigi rejalarimiz ham anchagina yuqori. Biz Jahon olimpiadasi hamda tezkor shaxmat tojini O‘zbekistonga olib keldik. Nasib bo‘lsa, kelgusida individual yo‘nalishda klassik shaxmat tojini Norvegiyadan O‘zbekistonga olib kelishga harakat qilamiz.Eslatib o‘tamiz, O‘zbekiston erkaklar terma jamoasi hal qiluvchi turda Niderlandiyaga qarshi bahs olib borib, 2,5:1,5 hisobida g‘alaba qozongan edi. Mazkur g‘alaba orqali O‘zbekiston erkaklar terma jamoasi oltin medal masalasini hal qilgan va o‘z tarixida ilk bor Olimpiada chempioniga aylangandi.Tengdoshlarimga va ukalarimizga o‘z ustilarida ko‘proq ishlashlarini maslahat beraman. Prezidentimizning bizga yaratib berayotgan imkoniyatlari juda ham cheksiz. Yoshligimda bu darajaga yetishni orzu qilardim, hozir 15—16 yoshli yigitlarimiz ham Jahon arenalarida yuqori natija ko‘rsatmoqda.
Ota-onalardan ham iltimos qilardim, farzandlarini yaratilgan sharoitlardan munosib ravishda foydalanishga undashsin, ularni to‘garaklarga olib borishga imkon topishsin.
Jahongir Vohidov, shaxmat bo‘yicha O‘zbekiston milliy terma jamoasi a’zosi
Shaxmat bo‘yicha O‘zbekiston ayollar terma jamoasi esa so‘nggi turda Kosta-Rika ustidan g‘alaba qozonib (2,5:1,5), olimpiadani 162 jamoa orasida 31-o‘rinda yakunlagandi.
Izoh (0)