O‘zbekistonda qancha abituriyent talabalikka tavsiya etilgani ma’lum qilindi

O‘zbekistonda 2022/2023-o‘quv yili uchun 190 375 nafar abituriyent talabalikka tavsiya etildi, deb xabar bermoqda Davlat test markazi.

OTMlarning bakalavriat ta’lim yo‘nalishlariga kirish test sinovlari natijalariga ko‘ra, ularning

• 39 962 nafari — davlat granti;
• 150 413 nafari — to‘lov-kontrakt asosida talabalikka tavsiya etilgan.

• kunduzgi ta’lim shakli — 118 352 nafar;
• sirtqi ta’lim shakli — 45 407 nafar;
• kechki ta’lim shakli — 9 139 nafar;
• masofaviy ta’lim shakli — 3 416 nafar.

Talabalikka tavsiya etilgan abituriyentlarning 176 mingdan ortig‘i umumiy qabul parametrlari doirasida, 13 mingdan ortig‘i imtiyozga ega abituriyentlar uchun ajratilgan qo‘shimcha qabul parametrlari doirasida tavsiya etilgan.

Jumladan:

• nogironligi bo‘lgan shaxslar — 3,2 ming nafar;
•  mehribonlik uyi, bolalar shaharchasi bitiruvchilari bo‘lgan hamda vasiylikka, homiylikka yoki oilaga tarbiyaga olingan (patronat) yetim bolalar — 272 nafar;
• muddatli harbiy xizmatni o‘tab, harbiy qism qo‘mondonligining tavsiyanomasiga ega bo‘lganlar — 4,7 ming nafar;
• harbiy xizmatchilarning farzandlari — 1,9 ming nafar;
• ichki ishlar organlarining amaldagi xodimlari farzandlari — 739 nafar;
•  ehtiyojmand oilalardagi xotin-qizlar — 1,9 ming nafar;
• kamida 5 yil ish stajiga ega xotin-qizlar — 379 nafar.