Toshkentda kuchli ta’sir qiluvchi dorilarni 5,6 mln so‘mga sotgan shaxs ushlandi

Toshkent shahri Yunusobod tumanida kuchli ta’sir qiluvchi dori vositalari muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar berdi.

Qayd etilishicha, Bosh prokuratura huzuridagi departamentning Yunusobod tumani bo‘limi tomonidan IIB xodimlari bilan hamkorlikda tezkor tadbir o‘tkazilgan. Unda fuqaro M.D. boshqa bir fuqaro A.ga 40 dona “Tropikamid” nomli kuchli ta’sir qiluvchi dori vositasini 5,6 million so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Chilonzor va Bektemir tumanlarida kuchli ta’sir qiluvchi dori vositalari muomalaga kiritilishining oldi olindi
• Olmazorda kuchli ta’sir qiluvchi dori vositalarining muomalaga kiritilishining oldi olindi
• Andijonda kuchli ta’sir etuvchi dori vositalari oldi-sotdisi bilan shug‘ullanuvchi fuqarolar qo‘lga olindi