Shavkat Mirziyoyevning Armaniston bosh vaziri Nikol Pashinyan bilan 30-avgust kuni telefon orqali muloqoti bo‘lib o‘tdi. Bu haqda prezident matbuot xizmati xabar berdi.
Qayd etilishicha, Armaniston hukumati rahbari O‘zbekiston yetakchisini yaqinlashib kelayotgan milliy bayram — Mustaqillik kuni bilan samimiy tabriklab, xalqqa tinchlik-osoyishtalik, farovonlik va ravnaq tiladi. Ikki tomonlama munosabatlarni va xalqaro tashkilotlar doirasidagi hamkorlikni rivojlantirishning dolzarb masalalari ko‘rib chiqildi.
Amaliy hamkorlikni ilgari surishning muhim jihatlariga alohida e’tibor qaratildi. O‘zaro savdo hajmini oshirish, ishbilarmon doiralar va yetakchi korxonlarni faol jalb qilgan holda kooperatsiya loyihalarini amalga oshirish, savdo-iqtisodiy hamkorlikni kengaytirish uchun samarali mexanizmlarni shakllantirishdagi mavjud imkoniyatlar qayd etildi.
Mintaqaviy kun tartibi va ko‘p tomonlama tuzilmalar doirasidagi muloqotni kengaytirish yuzasidan ham fikr almashildi.
Mavzuga doir: Shavkat Mirziyoyev Lukashenkoni tug‘ilgan kuni bilan tabrikladi
Izoh (0)