Samarqand viloyati Past Darg‘om tumanida folbin va uning qizini o‘ldirgan yigit ushlangani haqida xabar berilgandi. “Zamon” dasturida ma’lum qilinishicha, yigitga sud hukmi o‘qilgan.
Nima bo‘lgan edi?
Folbin yigitga “Sen yaqinda o‘lasan. Agar 500 dollar bersang, bir yo‘lini qilib beraman” qabilida gap aytgan. Gumonlanuvchi yigit 100 dollar keltirgan, ammo u bu pul kamligini aytgan. Shunda yigitning jahli chiqib, folbin va uning qizini o‘ldirib qo‘ygan.“Bolam biror marta ichmagan, chekmagan. Bunday ish qilishiga ko‘zim yetmaydi”, — deydi onasi. Otasi esa o‘g‘lining tinmay ishlashi, ko‘chaga chiqmasligi, spirtli ichimlik ichmasligi, birov bilan urishadigan bola emasligini aytgan.
Holat yuzasidan Jinoyat kodeksining 97-moddasi (qasddan odam o‘ldirish) 2-qismi bilan jinoyat ishi qo‘zg‘atilgan.
Izoh (0)