Yevropa diplomatiyasi rahbari Jozep Borrelning aytishicha, qisqa muddatda Yevropa Ittifoqi Rossiyaga qarshi sanksiyalar tufayli qiyinchiliklarga duch keladi. Bu haqda “Kommersant” xabar bermoqda.
Shuningdek, u gaz narxining oshishini ham qayd etdi. Uning so‘zlariga ko‘ra, Yevropa Ittifoqi “erkinlik uchun haq to‘lashga” tayyor bo‘lishi kerak.
Rossiya iqtisodiyoti neft va gazga bog‘liq ekan, ularga bizning texnologiyamiz kerak bo‘ladi. Rossiya qiyin ahvolda. Va, albatta, biz ham qisqa muddatda jiddiy muammolarga duch kelamiz. Gaz narxi oshib borayotganini inkor etib bo‘lmaydi. Ammo biz ozodlik uchun to‘lashga tayyor bo‘lishimiz kerak. Chunki Ukrainadagi urush nafaqat ukrainaliklarning urushi, balki bizning ozodligimiz uchun ham tahdiddir”, — deydi Jozep Borrel.Yevropada gaz narxi ta’mirlash ishlari tufayli “Shimoliy oqim” orqali gaz quyish to‘xtatilishi fonida oshib bormoqda.
Avvalroq “Gazprom” ham sanksiyalar va turbinalarni ta’mirlashdagi qiyinchiliklar tufayli, gaz quvuri orqali yetkazib berish quvvatini 20 foizigacha qisqartirgan edi. Joriy haftada birjadagi gaz narxi bir kub metri uchun 3,3 ming dollarga yetdi.
Shunday qilib, energiya narxining oshishi fonida Yevropa Ittifoqi rekord darajadagi inflyatsiyaga duch kelmoqda.
Izoh (0)