Украина Қуролли кучлари бўлинмалари Донбасснинг «Лепесток» пиёдаларга қарши миналари билан ўз назорати остидаги ҳудудларни миналаштирмоқда. Бу ҳақда Луганск Халқ Республикаси (ЛХР) халқ милицияси ходими Андрей Марочкога таяниб, «ТАСС» хабар бермоқда.
Марочконинг сўзларига кўра, Украина қўшинлари Донбасснинг ўз назорати остидаги йирик шаҳарлари агломерацияларида жойлашган кичик аҳоли пунктларини ҳам миналаштирмоқда. Бу Россия Қуролли кучлари ва Донецк Халқ Республикаси (ДХР) ва ЛХР кучлари ҳужумининг олдини олиш мақсадида амалга оширилмоқда.
Июль ойининг охиридан бери Украина қўшинлари ДХР аҳоли пунктларини «Лепесток» миналари билан жиҳозланган ракеталардан фаол равишда ўққа тутмоқда.
ДХР ҳудудий мудофаа штабининг таъкидлашича, 29 август ҳолатига кўра, бундай миналардан республикада тинч аҳоли вакиллари, жумладан, икки нафар бола портлаши билан боғлиқ 58 та ҳолат қайд этилган. Жабрланганлардан бири вафот этган.
Изоҳ (0)