Turkiya oktabr oyida Qora dengiz bo‘g‘ozlari orqali o‘tish narxini besh baravarga oshiradi. Bu haqda Sabah nashri Turkiya Transport vazirligidagi manbalarga tayanib, xabar berdi.
Mayoq, tibbiy yordam va savdo kemalarini evakuatsiya qilish uchun haq to‘lash Montryo konvensiyasida belgilab qo‘yilgan.
Bo‘g‘ozlarda navigatsiyani tartibga soluvchi ushbu konvensiya 1936-yilda Shveysariyaning Montryo shahrida qabul qilingan. Hujjat Turkiyaning Bosfor va Dardanel bo‘g‘ozlari ustidan Qora dengizdan O‘rta Yer dengizigacha bo‘lgan suverenitetini qayta tiklagan.
Nashr hisob-kitoblariga ko‘ra, bo‘g‘ozlardan o‘tishga qo‘yilgan yangi to‘lov miqdori ortidan Turkiyaning yillik daromadi 40 million dollardan 200 million dollarga ko‘tarilishi mumkin.
Rossiya Ukrainaga bostirib kirganidan ko‘p o‘tmay Turkiya harbiy kemalarning Bosfor va Dardanel bo‘g‘ozlaridan o‘tishini taqiqlagan edi.
Izoh (0)