Rossiya armiyasi harbiy ta’lim va tajribaga ega bo‘lmagan mudofaa vaziri Sergey Shoyguning ustidan kulmoqda. U Ukrainadagi qo‘shinlarga rahbarlik qilishdan chetlatilgan. Bu haqda Buyuk Britaniya Mudofaa vazirligining Twitter sahifasida xabar berildi.
Rossiya Ukrainaga qarshi urushda duch kelayotgan muammolar tufayli, Rossiya mudofaa vaziri Sergey Shoygu ayni paytda Rossiya rahbariyatidan chetlatilgan, tezkor komandirlar esa urushning borishi haqida to‘g‘ridan to‘g‘ri prezident Vladimir Putinga hisob bermoqda.
Britaniya razvedkasi ma’lumotlariga ko‘ra, Rossiyaning progressi to‘xtab qolgani tufayli, bevosita urush tajribasiga ega rossiyalik ofitserlar va askarlar Shoyguni uning samarasiz va voqelikdan uzoq bo‘lgan rahbarligini muntazam mazax qilib keladi.
“Shoygu uzoq vaqt davomida jiddiy urush tajribasiga ega bo‘lmagan odam reputatsiyasidan xalos bo‘lishga urinib kelmoqda, chunki u o‘z karyerasining katta qismini qurilish sektorida va favqulodda vaziyatlar vazirligida o‘tkazgan”, — deyiladi Britaniya Mudofaa vazirligi ma’lumotida.
Avvalroq Buyuk Britaniya razvedkasi Rossiyaning Ukrainaga qarshi to‘liq ko‘lamdagi urushining o‘tgan olti oyi yakunlari bo‘yicha o‘z xulosalarini e’lon qilgan va Rossiyaning urushi qimmat va strategik zararli bo‘lib chiqqanini ma’lum qilgan edi.
Mavzuga doir:
Izoh (0)