Qishloq xo‘jaligi vaziri lavozimiga Aziz Voitov nomzodi ma’qullandi. Bu haqda Oliy Majlis Qonunchilik palatasi matbuot xizmati xabar berdi.
29-avgust kuni bo‘lib o‘tgan Oliy Majlis Qonunchilik palatasining navbatdagi majlisida xalq vakillari Aziz Voitov nomzodini ko‘rib chiqib, ma’qullagan. Bunga qadar u 2020-yilning martidan buyon investitsiyalar va tashqi savdo vazirining birinchi o‘rinbosari edi.
Aziz Voitov (1980-yilda tug‘ilgan) Toshkent moliya institutini “Soliq va soliqqa tortish” mutaxassisligi bo‘yicha bitirgan (2001) hamda Oliy ishbilarmonlik maktabida “Biznes boshqaruvi” bo‘yicha tahsil olgan (2010).
2019-yildan buyon Qishloq xo‘jaligi vazirligiga rahbarlik qilib kelgan Jamshid Xo‘jayev 2022-yil 16-iyul kuni Investitsiyalar va tashqi iqtisodiy aloqalar masalalari bo‘yicha bosh vazir o‘rinbosari — investitsiyalar va tashqi savdo vaziri lavozimiga tayinlangandi.
Izoh (0)