Namanganlik fermer va dehqonlar tomonidan Qoraqalpog‘istonning Qorao‘zak tumanida arzonlashtirilgan qishloq xo‘jaligi yarmarkasi tashkil etildi. Bu haqda “Daryo” muxbiri Azizbek Abduvaliyev xabar bermoqda.
Mustaqillikning 31 yillik bayrami oldidan Namangan viloyati hokimligi tashabbusi bilan tashkillangan ushbu yarmarkada kartoshka, piyoz, sabzi, meva-sabzavot va poliz mahsulotlari aholiga maqbul narxlarda yetkazib berilmoqda.
Viloyat hokimligining Qorao‘zak tumanida joylashgan shtabi mutasaddilarining ma’lum qilishicha, yarmarkada Namangandan keltirilgan jami 430 tonna qishloq xo‘jaligi mahsulotlari, jumladan, 70 tonna kartoshka va piyoz, 50 tonna sabzi, 50 tonna meva-sabzavotlar, 60 tonna poliz ekinlari sotilishi rejalashtirilgan.
Bayram yarmarkasi 5-sentabrgacha davom etadi.
Mavzuga doir: Namanganliklar tomonidan Qoraqalpog‘istonda bolalar bog‘chasi qurilishi boshlandi va maktab inventarlari tarqatilmoqda
Izoh (0)