Harri Keyn APL tarixidagi eng yaxshi to‘purarlar ro‘yxatida 3-o‘ringa ko‘tarilib oldi

“Tottenhem” hujumchisi Harri Keyn Angliya chempionatining 4-turida “Nottingem Forest” jamoasiga qarshi o‘yinda (2:0) dubl qayd etdi.

Keynning uchrashuvdagi birinchi goli Angliya chempionatlaridagi 200-goliga aylandi. 29 yoshli hujumchi APLda 187 ta, Chempionshipda 9 ta va Angliya birinchi ligasida 5 ta golga mualliflik qilgan.

Shuningdek, Keyn 187 ta gol bilan Endi Koulga yetib oldi va APL tarixidagi eng yaxshi to‘purarlar ro‘yxatida 3-o‘rinni u bilan bo‘lishib turibdi.

Faqatgina Ueyn Runi (208 ta gol) va Alan Shirer (260 ta gol) ulardan ko‘proq gol urgan.

Harri Keyn 2022/23-yilgi mavsum Angliya chempionatida 4 ta golga mualliflik qildi. Rodrido (“Lids”) va Aleksandr Mitrovich (“Fulhem”) ham xuddi shunchadan gol urgan. “Manchester Siti” hujumchisi Erling Holand esa 6 ta gol bilan to‘purarlar bahsida yetakchilik qilmoqda.