Ҳарри Кейн АПЛ тарихидаги энг яхши тўпурарлар рўйхатида 3-ўринга кўтарилиб олди

«Тоттенҳэм» ҳужумчиси Ҳарри Кейн Англия чемпионатининг 4-турида «Ноттингем Форест» жамоасига қарши ўйинда (2:0) дубль қайд этди.

Кейннинг учрашувдаги биринчи голи Англия чемпионатларидаги 200-голига айланди. 29 ёшли ҳужумчи АПЛда 187 та, Чемпионшипда 9 та ва Англия биринчи лигасида 5 та голга муаллифлик қилган.

Шунингдек, Кейн 187 та гол билан Энди Коулга етиб олди ва АПЛ тарихидаги энг яхши тўпурарлар рўйхатида 3-ўринни у билан бўлишиб турибди.

Фақатгина Уэйн Руни (208 та гол) ва Алан Ширер (260 та гол) улардан кўпроқ гол урган.

Ҳарри Кейн 2022/23 йилги мавсум Англия чемпионатида 4 та голга муаллифлик қилди. Родридо («Лидс») ва Александр Митрович («Фулҳэм») ҳам худди шунчадан гол урган. «Манчестер Сити» ҳужумчиси Эрлинг Ҳоланд эса 6 та гол билан тўпурарлар баҳсида етакчилик қилмоқда.