“Navbahor” klubi bosh murabbiyi Samvel Babayan Superliga 17-turi doirasida “Paxtakor”ga qarshi kechgan o‘yindan keyin o‘z fikrlari bilan o‘rtoqlashdi.
O‘yin haqidaMazvuga doir: Maksim Shatskix: “Futbolchilarga gol urishni o‘rgatib bo‘lmaydi”Taxmin qilinganidek o‘yin hech kimni e’tiborsiz qoldirmadi. Chempionatning ikki yetakchisi o‘rtasidagi bahs bo‘ldi. Menimcha, bu bahs darajasi OChL bilan baravar bo‘ldi. G‘alabaga yaqinroq edik, agar ikkinchi bo‘limda qulay imkoniyatlardan foydalana olganimizda 3 ochko olardik. Umuman olganda yigitlarning shijoati va futbolchilarimning o‘yin sifati qoniqtirdi. Kiyim almashtirish xonasida aytgan gaplarimizni barchasini maydonda amalga oshirishdi.
Yaxshiboyevning yo‘qligi borasida
Jasurning buvisi ayni paytda og‘ir kasal. Aynan buvisi Jasurning futbol bilan shug‘ullanishiga sababchi bo‘lgan. Buvisi yoshligida qo‘lidan ushlab futbolga olib borgan. Jasur hozir oilasi davrasida. Bunday holatda uni tushundik va javob berdik.
“Paxtakor”ga qarshi o‘tadigan kubok o‘yin haqida
Kubok bahsi haqida gapirishga hali erta. Sababi bu o‘yinni tahlil qilishimiz kerak. O‘z maydonimizda, muxlislarimiz bilan birga “Paxtakor”ga qarshi o‘ynaymiz, baribir kubok doirasida qaysidir bosqichda to‘qnash kelishimiz mumkin edi.
Demak bu chorak finalda sodir bo‘lar ekan. Mavsumni bezab beradigan yana bitta qiziqarli o‘yin bo‘ladi. Shunday ekan kubok uchrashuviga maksimal tayyorgarlik ko‘ramiz.
G‘alaba qo‘ldan chiqarilgani sabab haqida
Sababi “Paxtakor” futbolchilarining sifati. Bugungi kunda bu klub terma jamoaning o‘zagini tashkil etadi. Biz ko‘rsatgan o‘yin esa yigitlarimiz yuqori darajada o‘ynay olishi va natijaga erisha olishini ko‘rsatdi.
“Navbahor” goldan keyin himoyaga e’tibor qaratgani borasida
Gol o‘tkazgan vaziyatimizda raqib pozitsion hujumda edi, chap qanot himoyasidagilar bir-birining o‘rnini to‘ldira olmadi. Shu bois raqib futbolchisi erkin harakat qildi. Biz yuqori pressing namoyish etdik, raqib himoyachilariga bosim qildik.
Ertami-kech bunday yuqori saviyadagi futbolchilar tashabbusni o‘z qo‘liga olishi shubhasiz. Faqat gol o‘tkazgan vaziyatni hisobga olmaganda pozitsion himoyalanishni yaxshi amalga oshirdik.
Shatskixning “ikki ochko yo‘qotdik” degan gapiga munosabati
Boshida aytdim-ku, ikkinchi bo‘limda biz gol urishga yaqin edik. Statistika bor, turli faktlar bor. Shu bois shaxsan mening fikrimcha biz g‘alabaga yaqin edik. Raqib bosh murabbiyining fikri esa menga umuman qiziq emas. Barcha maydondagi futbolni ko‘rdi.
Ko‘pchilikka “Navbahor”ning o‘yini qiziq edi. Menimcha, o‘yin sifati bo‘yicha raqobatbardosh jamoaga aylandik. Balki qaysidir joylarda xato qilgandirmiz, ammo yaratgan barcha narsa o‘zimizniki. Qiladigan ishlarimiz bor, kubok o‘yinigacha ko‘p xatolarni to‘g‘rilashga harakat qilamiz.
“Paxtakor”ga urilgan golni ehtiros bilan nishonlamagani haqida
Sababi hali o‘yin tugashiga ancha vaqt bor edi. Ish oxiriga yetmagandi. Hurmat qilishga kelsak, barcha biladi mening DNKam — bu “Paxtakor”. Uning tarixiga hurmatim doim baland, sababi o‘zim uning bir qismi bo‘lganman. Doim hissiyotlarni ushlab turish kerak.
Raqib uch markaziy himoyachi bilan o‘ynagani borasida
Albatta, biz uchun kutilmagan hol bo‘ldi, ammo qanotlardagi o‘yinda bizga yordam berdi. Kubok bahsida kuchli jamoa g‘olib bo‘lsin.
Samvel Babayan, “Navbahor” bosh murabbiyi
Izoh (0)