Shveysariya parlamenti a’zolari va iqtisodiyot vakillaridan iborat qo‘mita elektr energiyasi taqchilligining oldini olish maqsadida mamlakatda AES qurilishiga qo‘yilgan taqiqni bekor qilishni talab qilib petitsiya boshladi. Bu haqda Matin Dimanche’ga tayanib, “Oreanda.ru” xabar bermoqda.
Ma’lumotlarga qaraganda, imzo to‘plash kelasi haftadan boshlanishi kerak.
2017-yilda shveysariyaliklar mamlakatda yangi atom elektr stansiyalari qurilishini taqiqlash uchun referendumda ovoz bergan edi.
Biroq endilikda, prognozlarga ko‘ra, 2023-yilda elektr energiyasi narxi Shveysariya uy xo‘jaliklari uchun 30 foizga oshadi.
Hozirda elektr tanqisligi xavfi Shveysariyada eng yuqori ko‘rsatkichlardan biri hisoblanadi.
Avvalroq Shveysariyaning ElCom elektr energiyasi bo‘yicha federal komissiyasi rahbari Verner Luginbyul fuqarolarni kelgusi qishda elektr ta’minotidagi uzilishlar ehtimoli tufayli sham va o‘tin zaxirasini to‘plashga chaqirgan edi.
Izoh (0)