AQSH senatori Robert Menendes Turkiya Sharqiy O‘rta Yer dengizidagi eng katta tahdid ekanini aytdi, deb yozmoqda Kathimerini nashri.
Bu haqda siyosatchi Kapodistriya nomidagi Afina Milliy universiteti faxriy doktori unvonini topshirish marosimidagi nutqi chog‘ida aytib o‘tdi.
Auditoriyada o‘tirganlarga Turkiya Sharqiy O‘rta Yer dengizidagi doimiy va bevosita tahdid bo‘lib qolayotganini aytishim shart bo‘lmasa kerak. Turkiya NATO ittifoqchisi bo‘lishiga qaramay, Egey dengizida provokatsion parvozlar bilan Gretsiya suverenitetiga qarshi chiqmoqda. Qiruvchi samolyotlar tomonidan havo hududini buzish har qanday davlat uchun nomaqbul xatti-harakatlardir — dedi Menendes.Shuningdek, u Anqaraning xatti-harakati Turkiyani demokratik davlat sifatida tavsiflamasligini aytdi. Senator Turkiya prezidenti Rajab Toyyib Erdo‘g‘onning AQSHdan F-16 qiruvchilarini sotib olish va modernizatsiya qilish talabi bo‘yicha kelishuvni ma’qullamasligini yana bir bor ta’kidladi.
Izoh (0)