Олмалиқда итга шафқатсиз муносабатда бўлганларга қарши чиққани учун жазо тайинланган шахслар оқланди. Бу ҳақда «Меҳр ва Оқибат» Telegram канали хабар берди.
9 август куни ушбу каналда Олмалиқда итларни шафқатсизларча тутиш билан боғлиқ навбатдаги видео эълон қилинганди. Унда қаровсиз ҳайвонларни тутиш хизмати ходимлари итни сим билан ўраб, ҳар томонга тортаётгани акс этган. Бу болаларнинг кўз ўнгида, ўйин майдончаси қаршисида жойлашган турар жой биноси деразалари остида содир бўлган.
Бунга гувоҳ бўлган аҳоли уларга қарши чиқиб, итни қутқаришга тушган. 23 август куни Олмалиқ шаҳар судида шу иш кўриб чиқилиб, итни қутқаришда иштирок этган аёл А.К.га БҲМнинг 3 баравари, М.Н. исмли эркакка эса 15 сутка маъмурий қамоқ жазоси тайинланган.
27 август куни бўлиб ўтган вилоят судида улар бутунлай оқланган.
Изоҳ (0)