Toshkent shahrining Chilonzor va Bektemir tumanlarida kuchli ta’sir qiluvchi dori vositalarining muomalaga kiritilishining oldi olindi.
Bosh prokuratura huzuridagi departamentning Toshkent shahar boshqarmasi tomonidan Chilonzor tumani IIB xodimlari bilan hamkorlikda o‘tkazilgan tekshiruvda, fuqaro F.M.ning boshqaruvidagi Nexia-3 rusumli avtotransport vositasi ko‘zdan kechirilganda, fuqaro O.R.ga tegishli 1 231 dona “Zardeks”, 84 dona “Selefon”, 72 dona “Tropikamid” va 40 dona “Regapen” nomli kuchli ta’sir qiluvchi dori vositalari mavjudligi aniqlanib, ashyoviy dalil sifatida olingan.
Shu kabi, Bektemir tuman bo‘limi tomonidan IIB xodimlari bilan hamkorlikda o‘tkazilgan tergovga qadar tekshiruvda, Chilonzor tumanida yashovchi fuqaro R.S. o‘z xonadonida 210 dona “Regapen”, 90 dona “Tropikamid” nomli kuchli ta’sir qiluvchi dori vositalarini o‘tkazish maqsadida saqlab kelayotganligi aniqlanib, ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergovga tegishliligi bo‘yicha yuborilgan.
Izoh (0)