Запорожье атом электр станциясининг барча олти блоки Украина электр тармоқларидан узилди. Бу ҳақда Украинанинг Энергоатом давлат корхонаси Telegram каналига таяниб, «Коммерсантъ» хабар бермоқда.
Запорожье вилояти бу баёнотни билвосита тасдиқлади ва мамлакатнинг электр тармоғидан узилишини Украина Қуролли кучлари томонидан мунтазам равишда ўққа тутилиши билан боғлади.
Энергоатом маълумотларига кўра, ҳозирда иккита реактор блокини тармоққа улаш ишлари олиб борилмоқда. Компания шунингдек, станциянинг ўз эҳтиёжлари учун электр энергияси Украина энергетика тизимидан электр узатиш линияси орқали етказиб берилаётганини айтган.
Маъмурият аъзоси Владимир Роговнинг маълум қилишича, Украина «Запорожье атом электр станциясини ўққа тутиш билан ўз ўйинини якунлади» ва электр узатиш линияларини узиб қўйди. Шунинг учун Украина энергетика тизими станциядан узилиши мумкин эди.
Запорожье АЭСга кириш та’қиқлангани сабабли Украина электр энергиясини экспорт қилиш учун пул йўқотиши мумкин.
Изоҳ (0)