Ukraina xavfsizlik xizmati Checheniston rahbari Ramzan Qodirov va uning yordamchilariga harbiy jinoyatlarda ayblov qo‘yilganini ma’lum qildi, deb yozmoqda “Meduza”.
Ukraina xavfsizlik xizmati Checheniston rahbari Ramzan Qodirov va uning qo‘l ostidagi ikki xodimi — Checheniston Milliy gvardiyasi qo‘shinlari boshlig‘i o‘rinbosari Danil Martinov va taktik guruh qo‘mondoni Husayn Mejidov haqida “harbiy jinoyatlarga oid aniq dalillar” to‘plaganini ma’lum qildi.
Ukraina razvedka xizmati ma’lumotlariga ko‘ra, 2022-yil fevral-mart oylarida Qodirov Milliy gvardiya chechen bo‘linmalarining alohida harbiy amaliyotlarini ishlab chiqish va rejalashtirishni shaxsan o‘zi nazorat qilgan, buyruqlar bergan, ularning rahbarlaridan hisobot qabul qilgan.
Martinov, ma’lumotlarga ko‘ra, 5-mart kuni Kiyev viloyatining Borodyanka shahridagi psixonevrologik maktab-internatni egallab olishga shaxsan rahbarlik qilgan, o‘shanda 500 ga yaqin bemorlar va xodimlar garovga olingan. Mejidov fevral oyi oxiri – mart oyining boshlarida Gostomelda 200 ga yaqin tinch aholini qo‘lga olish va garovda ushlab turishga buyruq bergan, — deydi maxfiy xizmat.Tergovchilar Qodirovni tajovuzkor urushga tayyorgarlik ko‘rish va uni boshlash, Ukraina chegaralarini o‘zgartirish bo‘yicha harakatlarni amalga oshirish, shuningdek, Rossiyaning Ukrainaga qarshi harbiy tajovuzini oqlashda gumon qilmoqda. Martinov va Mejidov urushga oid qonunlarni buzganlikda, harbiy asirlarga yoki tinch aholiga nisbatan shafqatsiz munosabatda bo‘lganlikda ayblanmoqda.
Avgust oyi boshida Ramzan Qodirov Ukrainaga yangi ko‘ngillilar guruhi yuborilganini ma’lum qilgan edi.
Izoh (0)