Футбол бўйича Ўзбекистон Кубогининг нимчорак финалидан ўрин олган баҳсда «Сўғдиёна» 24 август, чоршанба куни «Машъал»га қарши майдонга тушди.
Учрашувнинг 25-дақиқасида Шавкат Саломов ҳисобни очди. Орадан 4 дақиқа ўтиб, Абдужалил Маназаров жиззахликларнинг иккинчи голига муаллифлик қилди. Биринчи бўлим якунланишига бир неча дақиқа қолганда Музаффар Абдуллаев ҳисобни қисқартирди. 77-дақиқада Худоёрхон Сагдуллаев мувозанатни тиклади.
Асосий бўлимлара 2:2 ҳисоби қайд этилди ва жамоалар қўшимча бўлимларга қадар етиб борди. Қўшимча бўлимнинг стартида Хислат Ҳалилов жиззахликларнинг учинчи голини урди. 101-дақиқада Ҳусниддин Ғофуров ҳисобни «Сўғдиёна» учун ишончли кўринишга келтирди. 116-дақиқада Сардор Қулматов ҳисобни йириклаштирди.
Шу тариқа Жиззах клуби 5:2 ҳисобида ғалаба қозониб, чорак финалга йўл олди.
Ўзбекистон Кубоги
1/8 финал баҳси
24 август, чоршанба
«Сўғдиёна» — «Машъал» 5:2
Голлар: 1:0 — 25 Шавкат Саломов, 2:0 — 29 Абдужалил Маназаров, 2:1 — 39 Музаффар Абдуллаев, 2:2 — 77 Худоёрхон Сагдуллаев, 3:2 — 95 Хислат Ҳалилов, 4:2 — 101 Ҳусниддин Ғофуров, 5:2 — 116 Сардор Қулматов.«Сўғдиёна»: 1. Ширинбой Абдуллаев, 3. Диан Талхатов (26. Виталий Денисов, 46), 5. Аюбхон Нўмонов, 7. Шаҳбоз Жўрабеков (2. Сардор Қулматов), 6. Шавкат Саломов (12. Хислат Ҳалилов, 46), 10. Шоҳруз Норхонов (20. Баҳодир Насимов, 57), 17. Ҳусниддин Ғофуров, 21. Абдужалил Маназаров, 28. Самандаржон Мавлонқулов (19. Жавоҳир Қаҳрамонов, 46), 31. Лука Чермел, 44. Юре Обшивач.
«Машъал»: 13. Равшан Ягудин, 4. Муҳаммадали Намозов, 6. Мозес Олувадамиларе, 10. Никита Павленко, 14. Саидмаҳмудхон Ғуломов (, 87. Нуржаҳон Музаффаров, 57), 19. Жалолиддин Баҳромов, 33. Сирожиддин Аллаев, 67. Зоиржон Турсунов, 70. Музаффар Абдуллаев (16. Микола Агапов, 65), 77. Анваржон Жўраев, 97. Руслан Ҳожиев.
Изоҳ (0)