O‘zbekistonda 1—21-avgust kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.
Ushbu davr mobaynida bozorda quyidagi mahsulotlar arzonlagan:
- piyoz 350 so‘m;
- sarimsoq piyoz ming so‘m;
- bulg‘or qalampiri 2 ming so‘m;
- uzum 9 ming so‘m.
Shu bilan birga:
- banan 2,5 ming so‘m;
- apelsin 1,5 ming so‘m;
- qovun 6,5 ming so‘mga oshgan.
Joriy yilning 1–21-avgust kunlari umumiy qiymati 70,9 mln dollarlik (o‘tgan yilning mos davriga nisbatan 25,7 mln dollar ko‘p) jami 90,7 ming tonna (20,6 ming tonna ko‘p) qishloq xo‘jaligi mahsulotlari eksporti amalga oshirildi.
Mazkur davrda:
- 26,5 ming tonna uzum;
- 13,1 ming tonna qovun;
- 7,5 ming tonna olxo‘ri;
- 6,9 ming tonna loviya;
- 3,5 ming tonna anjir;
- 3,2 ming tonna tarvuz;
- 2,1 ming tonna quritilgan meva;
- 1,9 ming tonna sabzi;
- 1,8 ming tonna mayiz;
- 1,4 ming tonna shaftoli tashqi bozorlarga yetkazib berilgan.
Shuningdek, ushbu davr mobaynida 4,8 mln dollar (o‘tgan yilning mos davriga nisbatan 0,7 mln dollar ko‘p) qiymatidagi jami 6,6 ming tonna (3,6 ming tonna kam) qishloq xo‘jaligi mahsulotlari, xususan, 2,5 ming tonna banan, 0,9 ming tonna kartoshka va 312 tonna limon import qilingan.
“Qo‘yliq” bozoriga avgust boshidan beri hududlardan jami 20,5 ming tonna, xususan, 7,7 ming tonna kartoshka, 9,5 ming tonna piyoz, 728 tonna karam va 2,5 ming tonna sabzi keltirilgan.
Shu bilan birga, “Qo‘yliq” bozoriga Qirg‘izistondan 54 tonna, Qozog‘istondan 22 tonna kartoshka keltirilgan.
Bundan tashqari, hududlardan “Chorsu” dehqon bozoriga jami 238,8 tonna, jumladan, 205,4 tonna mol go‘shti va 33,4 tonna qo‘y go‘shti keltirib sotilgan.
Izoh (0)