Қовун ва апельсин қимматлади, узум арзонлади: Ўзбекистон бозорларида август ойида нархлар қандай бўлмоқда?

Ўзбекистонда 1—21 август кунлари бозорларда қишлоқ хўжалиги ва гўшт маҳсулотларининг улгуржи нархлари ҳақида маълумот берилди.

Ушбу давр мобайнида бозорда қуйидаги маҳсулотлар арзонлаган:

• пиёз 350 сўм;
• саримсоқ пиёз минг сўм;
• булғор қалампири 2 минг сўм;
• узум 9 минг сўм.

Шу билан бирга:

• банан 2,5 минг сўм;
• апельсин 1,5 минг сўм;
• қовун 6,5 минг сўмга ошган.

Жорий йилнинг 1–21 август кунлари умумий қиймати 70,9 млн долларлик (ўтган йилнинг мос даврига нисбатан 25,7 млн доллар кўп) жами 90,7 минг тонна (20,6 минг тонна кўп) қишлоқ хўжалиги маҳсулотлари экспорти амалга оширилди.

Мазкур даврда:

• 26,5 минг тонна узум;
• 13,1 минг тонна қовун;
• 7,5 минг тонна олхўри;
• 6,9 минг тонна ловия;
• 3,5 минг тонна анжир;
• 3,2 минг тонна тарвуз;
• 2,1 минг тонна қуритилган мева;
• 1,9 минг тонна сабзи;
• 1,8 минг тонна майиз;
• 1,4 минг тонна шафтоли ташқи бозорларга етказиб берилган.

Шунингдек, ушбу давр мобайнида 4,8 млн доллар (ўтган йилнинг мос даврига нисбатан 0,7 млн доллар кўп) қийматидаги жами 6,6 минг тонна (3,6 минг тонна кам) қишлоқ хўжалиги маҳсулотлари, хусусан, 2,5 минг тонна банан, 0,9 минг тонна картошка ва 312 тонна лимон импорт қилинган.

«Қўйлиқ» бозорига август бошидан бери ҳудудлардан жами 20,5 минг тонна, хусусан, 7,7 минг тонна картошка, 9,5 минг тонна пиёз, 728 тонна карам ва 2,5 минг тонна сабзи келтирилган.

Шу билан бирга, «Қўйлиқ» бозорига Қирғизистондан 54 тонна, Қозоғистондан 22 тонна картошка келтирилган.

Бундан ташқари, ҳудудлардан «Чорсу» деҳқон бозорига жами 238,8 тонна, жумладан, 205,4 тонна мол гўшти ва 33,4 тонна қўй гўшти келтириб сотилган.