Britaniyalik askarlar Rossiya bilan nizoga tayyorlanishni boshlashi kerak va o‘z yaqinlarini potensial urush haqida ogohlantirishi kerak, dedi Buyuk Britaniya armiyasi uorent-ofitseri Pol Karni. Bu haqda The Mirror nashri yozmoqda. Harbiyning so‘zlariga ko‘ra, qirollik ayni paytda Moskvaga qarshi turish uchun o‘z kuchlarini tayyorlamoqda.
“Hammamiz jangovar harakatlarga jismonan tayyorligimizni tekshirib ko‘rishimizni xohlardim. Yana bir muhim narsa shuki, biz yaqinlarimizni va oilamizni tayyorlashimiz kerak, yo‘qligimizda ko‘pincha ularga eng katta og‘irlik tushadi. Ular bilan potensial urushni hozir muhokama qilishingizni istardim… Yaqinlaringiz o‘zlari muhtoj bo‘lgan ko‘makni olayotganiga ishonch hosil qiling. Bu hayotiy muhim narsa, chunki agar o‘z yaqinlarimiz haqida tashvishlansak, bor kuchimizni bera olmaymiz”, — dedi Karni.
Uning so‘zlariga ko‘ra, hozirgi paytda milliy armiya urushga va Rossiya tomonidan bo‘ladigan “xavf”ga qarshi turishga tayyor.
Britaniyalik ofitserning fikricha, Buyuk Britaniya askarlari Rossiyaga qarshi kurashish uchun “Sharqqa” tashlanishi mumkin. Karnining fikrini britaniyalik general Richard Dannatt ham qo‘llab-quvvatladi va uni mantiqiy deb atadi.
“Bu armiya tez orada Ukrainaga ketadi, degani emas, ammo tinch zamonda har qanday armiyaning vazifasi hayotning turli jabhalarida urushga tayyorlanish hisoblanadi… britaniyalik askarlar yuz berishi mumkin bo‘lgan narsalarga realistik qarashi juda mantiqli”, — deya ta’kidladi Dannatt.
Izoh (0)