Британиялик аскарлар Россия билан низога тайёрланишни бошлаши керак ва ўз яқинларини потенциал уруш ҳақида огоҳлантириши керак, деди Буюк Британия армияси уорент-офицери Пол Карни. Бу ҳақда The Mirror нашри ёзмоқда. Ҳарбийнинг сўзларига кўра, қироллик айни пайтда Москвага қарши туриш учун ўз кучларини тайёрламоқда.
«Ҳаммамиз жанговар ҳаракатларга жисмонан тайёрлигимизни текшириб кўришимизни хоҳлардим. Яна бир муҳим нарса шуки, биз яқинларимизни ва оиламизни тайёрлашимиз керак, йўқлигимизда кўпинча уларга энг катта оғирлик тушади. Улар билан потенциал урушни ҳозир муҳокама қилишингизни истардим… Яқинларингиз ўзлари муҳтож бўлган кўмакни олаётганига ишонч ҳосил қилинг. Бу ҳаётий муҳим нарса, чунки агар ўз яқинларимиз ҳақида ташвишлансак, бор кучимизни бера олмаймиз», — деди Карни.
Унинг сўзларига кўра, ҳозирги пайтда миллий армия урушга ва Россия томонидан бўладиган «хавф»га қарши туришга тайёр.
Британиялик офицернинг фикрича, Буюк Британия аскарлари Россияга қарши курашиш учун «Шарққа» ташланиши мумкин. Карнининг фикрини британиялик генерал Ричард Даннатт ҳам қўллаб-қувватлади ва уни мантиқий деб атади.
«Бу армия тез орада Украинага кетади, дегани эмас, аммо тинч замонда ҳар қандай армиянинг вазифаси ҳаётнинг турли жабҳаларида урушга тайёрланиш ҳисобланади… британиялик аскарлар юз бериши мумкин бўлган нарсаларга реалистик қараши жуда мантиқли», — дея таъкидлади Даннатт.
Изоҳ (0)