Germaniya hukumati harbiy yordam doirasida Ukrainaga 20 ta 70 millimetr kalibrli raketa otish moslamalari, ular uchun 2000 ta raketa, 30 ta MG-3 pulemyoti va 155 millimetrli artilleriya uchun 1500 dan ortiq snaryadlar beradi. Bu haqda Germaniya Vazirlar Mahkamasi saytida xabar qilingan.
“Ushbu yordam paketi Bundesver va Germaniya sanoati zaxiralaridan ta’minotni o‘z ichiga oladi, u federal hukumatga yordam deb ataladigan mablag‘lardan moliyalashtiriladi”, — deyiladi hisobotda.
Bundan tashqari, Germaniya rasmiylari Kiyevga topshirilgan “Gepard” o‘ziyurar zenit qurollari sonini 12 tadan 15 taga, M113 zirhli transport vositalari sonini 33 tadan 44 tagacha oshirishga va’da berdi. Ukraina, shuningdek, Germaniyadan 60 200 ta 40 millimetr kalibrli o‘q-dorilar, 12 ta zirhli qutqaruv mashinasi va 255 ta yuqori aniqlikdagi Vulcano artilleriya snaryadlarini oladi.
2022-yilning 1-yanvaridan 8-avgustigacha Germaniya hukumati Ukrainaga umumiy qiymati 686,4 million yevroga teng qurol eksport qilishni ma’qullagan, deyiladi xabarda.
Mavzuga doir: AQSH Ukrainaga “jang maydonidagi vaziyatni o‘zgartirishga” qodir qurol-yarog‘ yetkazadi
Izoh (0)