Surxondaryoda fuqaro qizlarga noqonuniy diniy ta’lim berishda gumonlanib qo‘lga olindi

Surxondaryo viloyati Jarqo‘rg‘on tumanida qizlarga noqonuniy ravishda diniy ta’lim berishda gumonlangan shaxs aniqlandi.

2022-yilning 18-may kuni Jarqo‘rg‘on tumani IIB Terrorizm va ekstremizmga qarshi kurashish guruhi xodimlari tomonidan Jarqo‘rg‘on tumani hududida o‘tkazilgan tezkor tadbir natijasida, D.A. (ism shariflar o‘zgartirilgan) o‘zining ijaradagi yashash uyida 2022-yil 18-avgust kuni soat 09:30 larda ushbu mahallada yashovchi, maktab o‘quvchilari — voyaga yetmagan qizlarga hujra asosida noqonuniy diniy ta’lim berib kelayotgani aniqlanib, ashyoviy dalillar bilan qo‘lga olingan.

D.A.dan diniy ta’lim berishda foydalanib kelingan diniy mazmundagi kitoblar tadbir ishtirokchilari tomonidan xolislar ishtirokida tegishli tartibda hujjatlashtirilgan.

Mazkur holat yuzasidan D.A.ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 241-moddasi bilan ma’muriy javobgarlik to‘g‘risida bayonnoma rasmiylashtirilib, Jinoyat ishlari bo‘yicha tuman sudiga yuborilgan.