Иккинчи олий таълимга қабул бўйича рад этилган аризаларни таҳрирлаш учун ҳам сўнгги имконият берилди, деб хабар бермоқда Олий ва ўрта махсус таълим вазирлиги.
Қайд этилишича, 2022/2023-ўқув йили учун давлат олий таълим муассасаларига иккинчи олий таълимга қабул бўйича вазирликнинг «ikkinchitalim.edu.uz» электрон тизими орқали онлайн рўйхатдан ўтган фуқароларнинг аризалари кўриб чиқилган. Аммо айрим аризалар маълум бир сабабларга кўра рад этилган.
Рад этилган аризаларни таҳрирлаш учун 23 август куни соат 18:00 га қадар сўнгги имконият берилади.
Ушбу муддатдан сўнг таҳрирлашга йўл қўйилмайди ва камчиликлар бартараф этилмаган аризалар кўриб чиқилмайди.
Рўйхатдан ўтган барча талабалардан ўзларининг шахсий кабинетларига кириб, аризаларининг кўриб чиқилиш ҳолатини доимий кузатиб боришлари сўралади.
Изоҳ (0)