Наманганда адлия аралашувидан сўнг 149 нафар ходимнинг кечиктирилган иш ҳақлари тўлаб берилди

Наманганда адлия аралашуви билан «Намангансувтаъминоти» МЧЖнинг 149 нафар ходимига кечиктирилган иш ҳақлари тўлаб берилди. Бу ҳақда «Дарё» мухбири Азизбек Абдувалиев хабар бермоқда.

Янги Наманган туман адлия бўлимига «Намангансувтаминоти» маъсулияти чекланган жамияти туман бўлими чилангари Алишер Саматовнинг иш ҳақи кечикиб берилаётганлигидан норози бўлиб қилган мурожаати келиб тушган.

Ўрганишлар натижасида Алишер Саматовнинг аввалги ойлардан қолдиқ бўлиб ўтган жами 9, 7 миллион иш кечиктирилаётгани аниқланди.

Шунингдек, «Намангансувтаъминоти» МЧЖ Янги Наманган туман бўлими барча ходимларининг маошлари тўлаб борилиши ҳолати ўрганилганида уларнинг аввалги ойлардан қолдиқ бўлиб ўтган жами 109 миллион сўмлик иш ҳақлари тўлаб берилмаганлиги маълум бўлди.

Адлия бўлими томонидан корхонага ходимларнинг маошларини тўлиқ тўлаб бериш юзасидан тегишли тақдимнома киритилди. Бунинг натижасида 149 нафар ходимнинг иш ҳақи тўлиқ тўлаб берилиши таминланди.

Мавзуга доир:

• «Шарғункўмир» корхонаси ходимларига 2,5 млрд сўмлик ойлик иш ҳақи тўлаб берилмагани аниқланди
• Қашқадарёда ободонлаштириш хизматини кўрсатувчи ташкилотнинг 171 нафар ходимига иш ҳақи тўланмай келгани аниқланди