Ijtimoiy tarmoqlarda Surxondaryo viloyati Sho‘rchi tumanida turli tryuklarni ko‘rsatib, avtomashinasiga maxsus signallarni o‘rnatib yurgan fuqaro videosi tarqaldi. Viloyat Ichki ishlar boshqarmasi holatga munosabat bildirdi.
Qayd etilishicha, u yo‘l-patrul xizmati xodimlarini haqorat qilib, avtomashinani 170 kilometr/soat tezlikda boshqargan. So‘ng holat aks etgan videoni internetga yuklagan.
Surxondaryo viloyati Yo‘l harakati xavfsizligi boshqarmasi 50 dan ortiq qoidabuzarlik sodir etgan fuqaro va uning otasi bilan suhbatlashgan.
“Yomon yo‘lga yurib qo‘ygan ekanmiz. Endi yaxshi yo‘lda yurishga harakat qilaman. Qilgan ishlarimdan hijolatdaman.
Tezlik yaxshilikka olib kelmas ekan. Hozir bir-ikki videolarni ko‘rib, stresga tushib qoldim, to‘g‘risi”, — deydi haydovchi.
Mavzuga doir:
Izoh (0)