Ижтимоий тармоқларда Сурхондарё вилояти Шўрчи туманида турли трюкларни кўрсатиб, автомашинасига махсус сигналларни ўрнатиб юрган фуқаро видеоси тарқалди. Вилоят Ички ишлар бошқармаси ҳолатга муносабат билдирди.
Қайд этилишича, у йўл-патруль хизмати ходимларини ҳақорат қилиб, автомашинани 170 километр/соат тезликда бошқарган. Сўнг ҳолат акс этган видеони интернетга юклаган.
Сурхондарё вилояти Йўл ҳаракати хавфсизлиги бошқармаси 50 дан ортиқ қоидабузарлик содир этган фуқаро ва унинг отаси билан суҳбатлашган.
«Ёмон йўлга юриб қўйган эканмиз. Энди яхши йўлда юришга ҳаракат қиламан. Қилган ишларимдан ҳижолатдаман.
Тезлик яхшиликка олиб келмас экан. Ҳозир бир-икки видеоларни кўриб, стресга тушиб қолдим, тўғриси», — дейди ҳайдовчи.
Изоҳ (0)