Surxondaryo viloyati Denov tumanida firibgarlik sodir etgan fuqaroga nisbatan jinoyat ishi qo‘zg‘atildi. Bu haqda viloyat Ichki ishlar boshqarmasi xabar qildi.
Qayd etilishicha, Oltinsoy tumanida yashovchi S.S. 2021-yil may oyida tumanning “Jamatak” mahallasi hududida shu mahallada yashovchi tanishi Sh.M.ning ishonchiga kirib, viloyat hokimiyatida ishlovchi tog‘asi orqali tumanning “Yangi dehqon bozori” hududidan savdo do‘koni qurish uchun 10 sotix yer maydoni ajratib berishni va “TTZ-80” traktorini olib berishni va’da qilgan.
U 7300 dollarni olib, ushbu pullarni o‘zlashtirib ketgan.
Bundan tashqari, S.S. Denov tumanida yashovchi N.D.ning ishonchiga kirib, Oltinsoy yoki Denov tumani tez tibbiy yordam bo‘limiga haydovchilikka ishga kiritishni va’da qilgan. U 2021-yil may oyida tuman hududida 1400 dollar olib, o‘zlashtirib ketgan.
8-avgust kuni S.S.ga nisbatan Jinoyat kodeksining 168-moddasi (firibgarlik) 3-qismi “b” bandi bilan jinoyat ish qo‘zg‘atilgan.
Izoh (0)